Problèma dels nòus punts

Lo problèma dels nòu punts apareis dins Cyclopedia of Puzzles (1914) de Sam Loyd. En 1930, N. R. F. Maier s'interessèt « a l’interpretacion de l’enonciat del problèma e tanben a la percepcion que n'a lo subjècte ». Dins una compilacion de trencacaps pareguda en 1951, lo problèma dels nòu punts es attribuit a Henry Dudeney. Lo lexicograf David Barnhart raportèt qu'aviá vist aquela expression en 1975.

Sens levar lo gredon, cossí ligar los nòu punts amb sonque quatre traits dreits que se tocan?

Lo Christopher Columbus's Egg Puzzle in Cyclopedia of Puzzles (1914) de Sam Loyd.

Una de las solucions possiblas a trencacap.

Lo problèma es: «Sens levar lo gredon, cossí ligar los nòu punts d'un quadre amb sonque quatre traits dreits que se tocan?»

Sam Loyd lo nomenèt "Trencacap de l’uòu de Colomb". Dessemhant lo trencacap en perspectiva pluslèu que dins un plan euclidian, Loyd incita lo lector a traçar doas longas linhas per jònher doas colomnas contigüas, los uòus de la tresena colomna essent junts per un cort trait e un autre trait perpendicular.

Dificultat de resolucion

Segon Kihn, los consultants dels ans 1970 e 1980 ensagèron de mostrar a lors clients potencials èran fòrça pauc astucioses lor demandant de resòlvre aquel trencacap. Se resòlv aisidament se las linhas son traçadas en partida fòra del carrat imaginari « definís » pels nòus punts. L'expression angloamericana thinking outside the box « pensar fòra de la bóstia ») espeliguèt. Lo professor Daniel Kies remarca que lo trencacap es dificil sonque perque «imaginam una limita a l'entorn de la matritz dels punts».

Thinking outside the box

Thinking outside the box significa, en anglés american, pensar diferentament, de biais non convencional o segon una perspectiva novèla. L'expression qualifica una mena originala, creativa e biaisuda de reflechir. Aquel apròche es a vegada qualificat de pensada laterala.

Als Estats Units d'America subretot, l'expression es regularament utilizada en 2008 dins los mitans d'afars, mai sovent pels consultants en management. Aparéis jos un biais o un autre dins mai d'unas diversas publicitats.

John Adair (espécialista del lideratge) afirma aver lo primier prepausat lo problèma dels nòus punts en 1969 per incitar los seus clients a penser diferentament. Lo consultant en management Mike Vance afirmèt que l'usatge del problèma dels nòus punts dins los cercles de consultacion ven de la cultura d'entrepresa de Walt Disney Company, ont lo trencacap èra corentament utilizat a l'epòca. Martin Kihn de Fast Company e The Mavens' Word of the Day publicat per Random House afirmisson tanben que l'expression foguèt bastida dempuèi un trencacap nomenat « problèma dels nòu punts ».

Ligam amb los metòdes de management

Aquela proposicion de pensar diferentament implica que de metòdes de resolucion de problèma non convencionals poirián se substituir a de metòdes convencionals. Als EUA, una mesa en relèu de contunh d'aquel metòde benlèu amaguèt l'importança dels metòdes convencionals, çò que ne fa de novelums.

Notas e referéncias

Annèxes

Articles connèxes

• Nos gordian
• Uòu de Colomb
• Paradigma
• Problèma dels sèt ponts de Königsberg

Ligams extèrnes

• (en) Un exemple
• (en) Una solucion al problèma dels nòu punts, Daniel Kies
• (en) Problèma dels 16 punts (sièis traits sufison per ligar los punts)
• (en) Una autra perspectiva sus aquel apròche