Premiera batalha dau còl de Klisura
La premiera batalha dau còl de Klisura se debanèt dau 6 au 11 de genier de 1941 dins lo sud d'Albania durant la Segonda Guèrra Mondiala. Opausèt lei fòrças d'Itàlia a aquelei de Grècia e s'acabèt per una victòria de l'armada grèga que capitèt de conquistar lo còl estrategic de Klisura. Après la revirada de l'invasion italiana de Grècia lo 28 d'octòbre de 1940, aquò marquèt la fin de la còntra-ofensiva grèga acomençada dins lo corrent de novembre. D'efèct, lei dos camps estabilizèron sei posicions e la situacion evolucionèt gaire fins a l'intervencion alemanda en abriu de 1941.
