Portal:Botanica/Introduccion

Partida integranta de la biologia, la botanica es la sciéncia consagrada a l'estudi dels vegetals (grèc βοτάνη « èrba, planta »). Presenta mantuna faceta que la restaca a las autras sciéncias del vivent.

La botanica, que sas originas remontan a l'Antiquitat grècoromana, foguèt longtemps un annèxe de la medecina ; l'estudi de las plantas èra alara sustot motivat per lors proprietats medicinalas o quitament magicas. Posteriorament, se consagrèt essencialament a la classificacion de las plantas, la sistematica, al punt que se trobèt caricaturada coma essent « l'art d'insultar las plantas en latin ». Al cors del sègle XX , aquesta sciéncia s'es diversificada en un grand nombre de disciplinas de mai en mai especializadas, anant de la fisiologia a l'ecologia vegetala, en passant entre autras per la genetica e la fitosociologia.

Ensag d'estructuracion del contengut disciplinari de la Botanica