Plan del mètro de París

Lo plan del mètro de París es un plan representant las linhas e las estacions del mètro de París, en França.

Una mapa respectant geograficament la posicion de las estacions e de las linhas (mètro e RER).
Plan indicator luminós d'itineraris dins l'estacion Pont de Levallois - Bécon, sus la linha 3.

Presentacion modificar

La RATP, qu'espleita lo mètro de París, utiliza mantun tipes de plans pel representar.

Aqueste que figura suls desplegants que distribuís, atal que sus son site web, es un esquèma, donant mai d'importància a las posicions relativas de las estacions las unas amb las autras e a lor situacion sus las linhas qu'a lor posicion geografica reala, tota pertinéncia dins aqueste domeni n'essent çaquelà pas abandonada. Son aparéncia actuala foguèt concebut en 2003 per l'agéncia bdcconseil[1].

Aquestes que son afichats dins las estacions son mai pròches de la realitat géografica.

La polissa d'escritura utilizada, coma per tota l'identitat visuala de la RATP, es Parisine, creada per Jean François Porchez.

Parodias e destornaments modificar

En 1999, la RATP afichèt dins lo mètro de fragments de plan dins los quals los noms de las estacions èran remplaçats per d'anagramas, creadas en 1990 per Michelle Grangaud per son libre Stations, sul registre de l'Oulipo.

En 2004, la RATP lancèt una campanha publicitària dins la premsa e en afichatge a l'escasença de l'espandiment de la linha 14 fins a l'estacion Saint-Lazare, dins la quala òm vei un usatgièr téner un plan de pòcha minuscul per rapòrt a sa talha normala, acompanhat del eslogan «avèm reduch las distàncias», jogant atal sus la nocion d'escala.

En 2005, los grafistas associats Antoine e Manuel an repensat lo plan del mètro per la carta Integrala de la RATP[2], fasent de las linhas del malhum las brancas d'una sòrta d'arbre[3].

En 2007, dins una òbra entitolada World Democratic Tour e expausada a la CIUP, Pascal Colrat destornèt lo plan del mètro a l'escala de la planisfèri, en remplaçant los noms de las estacions per de toponims del mond entièr, de manièra geograficament coerenta[4].

Version liura modificar

En junh de 2011, CheckMyMetro, una aplicacion mobila sus iPhone utilizant lo plan editat per la RATP, foguèt interdicha per la justícia per de rasons de non respècte de la proprietat intelectuala[5]. Afin de contornejar aquesta interdiccion, un concors foguèt lançat per crear un novèl plan jos una licéncia liura. L'objectiu èra tanben d'atirar l'atencion dels poders publics sul problèma de la reutilizacion de las donnadas produchas per la RATP a una epoca ont de mai en mai de donnadas obèrtas son disponibles.

Nòtas e referéncias modificar

  1. (en) Paris Metro, Visual Complexity.
  2. https://web.archive.org/web/20090410064429/http://antoineetmanuel.com/Div-pages/integrale.htm
  3. (fr) A l’origine de la publicité… au Musée des arts décoratifs, La Boîte à Sorties, 19 de genièr de 2009
  4. (fr) Romain Bourgeais, World democratic tour, une installation de Pascal Colrat, Étapes, 05 de març de 2007.
  5. (fr) Damien Leloup, Les données du métro parisien, enjeu juridique et politique, Le Monde, 7 de julhet 2011.

Vejatz tanben modificar

Sus d'autres projècte de Wikimedia:
 
Commons
Commons (Galariá)
 
Commons
Commons (Categoria)  Modèl:Commonscat/categories

Articles ligats modificar

Ligams extèrnes modificar