Piotr Ilich Chaikovskii

Piotr Ilich Chaikovskii (en rus : Пётр Ильи́ч Чайко́вский - Votkinsk, Russia, lo 7 de mai de 1840 - Sant Petersborg, lo 6 de noveme de 1893) que ho un compositor romantic rus.

Piotr Ilich Chaikovskii
Profession: compositor
País:Empèri Rus Empèri Rus
Estil: Romantic
Data de neishença: 7 de mai de 1840
Lòc de neishença: Votkinsk, Empèri Rus
Data de decès: 6 de noveme de 1893
Lòc de decès: Sant Petersborg, Empèri Rus

Qu'ei l'autor, enter autas causas, de la musica deu ballet : Lo Lac deus cignes, La Bèra Adromida, de sèt sinfonias, deu son famós 1èr concerto per piano e de l'opèra Egene Oneguin.

Que vadó dens ua familha de la borgesia de Sant Petersborg. La soa mair qu'èra francesa e lo son pair engenhaire. Era que's morí quan Chaikovskii e avèva pas sonque 14 ans. Qu'estudiè en purmèr lo dret en bèth aquesir lo son diplòma abans de virà's de cap a la musica en bèth marcà's dens lo, alavetz, nau conservatòri de Sant Petersborg. Que'n sortí diplomat en 1865.

En 1877 que's maridè dab ua eslhèva ; l'union que ho un desastre e que s'acabè dab ua separacion e ua pregonda tristessa deus dus espós.

Durant la soa carrièra que viatgè hèra en bèth enriquir lo son repertòri neurit, totun, de musica folclorica russa. A maugrat d'aquò, la soa òbra que s'estar au costat deus corrents de composicion nacionalistas rus de la soa epòca.

Durant la soa carrièra que ho aunorat peu Tsar qui'u autregè ua pension de per la vita.