Picardia (província)
Picardia qu'ei ua província istorica de França situada au nòrd de l'Isla de França istorica (qui anava de Compenha dinc a Orleans) ; Picardia que s'espandiva enter de Bolònha de Mar dinc a l'actuau departament de l'Aisne. Enter la mort de Carles lo Temerari e lo Tractat deus Pirenèus la soa nòrd qu'èra lo cap septentrionau de França.
| |
| Geografia | |
|---|---|
 | |
| 49° 30′ N, 2° 50′ E | |
Picardia que vien de pique l'utis capherrat dab lo quau los picards e cultivavan lo loa tèrra (en oposicion aus paisans francillians qui èran boscassèrs). Atau lo pòble picard qu'èra aperat picard peus flamencs neerlandofòns (mentre que los picards be parlavan la lenga d'oïl, romanica) e piocheur peus francillians.
La Picardia istorica qu'amassa los parçans seguents : Amianés, Bolonés, Calaisi, Ponthieu, Saterre, Thiérache, Vermandois e Vimeu.
A la creacion deus departaments francés en 1790, la màger part de la Picardia istorica que ho integrada dens lo departament de la Somme (Lo Pas de Calais, l'Aisne e l'Oise que's prengón los autes tròç). La Region de Picardia que ho creada en juntant Picardia de la Somme, de l'Aisne dab parçans deu sud de l'Oise istoricament francillians, e en tot deishar la còsta nordica de Picardia a la Region deu Nòrd-Pas de Calais.