Pica (arma)
La pica es una lança lònga principalament destinada a arrestar lei cargas de cavalariá e a atacar lei formacions de lanciers enemics. Foguèt mai que mai utilizada durant dos periòdes istorics. Lo premier es l'Antiquitat grèga ont èra l'armament principau de la falanja. Lo segond es l'epòca anant de la fin de l'Edat Mejana a la Renaissença per servir d'arma principala a un retorn de formacions compactas similaras a la falanja grèga[1]. L'invencion de la baioneta, a la fin dau sègle XVII, entraïnèt lo declin de la pica sus lei prats batalhiers. Pasmens, demorèt utilizada per lei milícias urbanas fins au sègle XVIII.
