Peter T. Ricketts

Peter Thomas Ricketts (14 de decembre de 1933 – Birmingham, 6 de mai de 2013) foguèt un filològ anglés. Famós per las siás recèrcas sus l'occitan medieval, èra professor de francés a l'Universitat de Liverpool e puèi professor de filologia romanica a l'Universitat de Londres fins a la siá retirada. Demest los fondaires de l'Associacion Internacionala d'Estudis Occitans, n'ocupèt la presidéncia de 1981 a 1990. Foguèt adobat Cavalièr dins l'Òrdre de las Palmas Academicas francesas e recebèt la medalha de la vila de Montpelhièr.

Èra tanben sòci del Felibritge e del comitat d'onor de la Revue des Langues Romanes.

Bibliografia

• Les Poésies de Guilhem de Montanhagol, troubadour provençal du XIIIe siècle (1964)
• amb Frank R. Hamlin & John Hathaway: Introduction à l’étude de l’ancien provençal (1967)
• Le Breviari d’Amor de Matfre Ermengaud, tom V (1976)
• Le Breviari d’Amor de Matfre Ermengaud, tom II (1989)
• amb Cyril P. Hershon: Le Breviari d’Amor de Matfre Ermengaud, tom III (1998)
• Contributions à l’étude de l’ancien occitan: textes lyriques et non-lyriques en vers (2000)