Paul Dirac

Paul Adrien Maurice Dirac (1902 - 1984) foguèt un engenhaire e matematician britanic premiat en 1933 per lo Prèmi Nobel de Fisica.

Paul Dirac
Naissença	8 d'agost de 1902 Bristol, Anglatèrra
Mòrt	20 d'octobre de 1984
País d'origina	Anglatèrra
Distincions	Prèmi Nobel de Fisica en 1933

Biografia

Nascut lo 8 d'agost de 1902 dins la vila anglesa de Bristol, filh d'un immigrant soís, que ne conservèt la nacionalitat fins en 1919. Estudièt a la Bishop Primary School e al Merchant Venturers Technical College, una institucion de l'universitat de Bristol, que privilegiava las sciéncias modèrnas, causa inabituala a l'epòca, e a laquala Dirac foguèt totjorn reconeissent.

Foguèt diplomat en engenhariá electrica a l'universitat de Bristol en 1921. Après trabalhèt pauc de temps coma engenhaire, puèi se dirigiguèt vèrs las matematicas. Completèt la licencia de matematicas a Bristol en 1923, en dintrant a l'Universitat de Cambridge, ont faguèt la màger part de la siá carrièra.