Dobrir lo menú principal
Pau Paget a la debuta del sègle XX

Pau Paget (en francés: Paul Paget; 20 d'agost de 1847 - 21 de decembre de 1934) foguèt un escrivan occitan de Lengadòc. Fondèt la Societat Literària e Artistica de Besièrs en 1878.

Somari

BiografiaModificar

Filh d'un relotgièr, Pau Paget trabalhèt coma farmacian a Besièrs ont vendiá una crèma per garir las cidolas. Foguèt president e fondador de la Societat Literària e Artistica de Besièrs e tanben un dels creadors, proprietari e director del jornal L'Hérault. Es estat tanben membre de la Societat dels autors e compositors dramatics.

S'impliquèt puèi en politica del costat progressista, e en 1882 foguèt elegit conselhièr municipal de Besièrs. Arribèt a venir primièr adjonch de la comuna fins a 1885 e passèt puèi a d'instàncias mai nautas quand foguèt elegit conselhièr general d'Erau. Dirigiguèt una fabrica de vermot e de vins de quinquina e foguèt un membre de la francmaçonariá besierenca.

Escriguèt subretot en francés e publiquèt mantuna òbra de poesia, de pròsa e de teatre. De còps que i a utilizèt lo pseudonim de Léo Préville. A l'encòp s'especializèt dins la traduccion, que siá d'autors classics coma Virgili o d'òbras en occitan coma los Vèrses pateses del felibre Benjamin Fabre. Mantuna òbra sia es estada escricha amb l'escrivan de Pomairòls, Pau Pujòl.

Aguèt una filha Paule Paget. Una carrièra de la vila de Besièrs pòrta son nom e existís tanben una associacion de conselh filosofic, cercle de meteis nom.

ÒbrasModificar

Reviradas en occitanModificar

  • Las Bucolicas de Virgili (1926)
  • Las Georgicas de Virgili (1929)

Creacions en francésModificar

  • A Injalbert, òda (1874)
  • Les Etincelles sonet (1875)
  • Contes d'Apothicaire
  • L'option, pèça d'1 acte (1879)
  • Le Tripot, pèça de teatre
  • La Jacquerie, drama de 6 actes escrich amb Pau Pujòl (1884)
  • Le cadavre de Fonceranes, roman escrich amb Pau Pujòl (1885)
  • Prométhée délivré, pèça d'1 acte (1900)

Reviradas en francésModificar

  • Vèrses pateses de Benjamin Fabre (1912)
  • Les Géorgiques de Virgili (1922)