Pancreàs
Lo pancreàs es un organ vitau situat en l'abdomèn dei vertebrats. Es una glanda annèxa dau sistèma digestiu qu'es exocrina e endocrina. En particular, secreta lo suc pancreatic que participa a la digestion e divèrseis ormonas, deversadas dins lo sang, qu'asseguran de foncions variadas (glucagon, insulina, polipeptid pancreatic...). Lo pancreàs es generalament un organ pichon, solament 70 a 80 g en l'òme, qu'es devesit en plusors partidas diferentas.