Dobrir lo menú principal

Francés Boya

(Redirigit dempuèi Paco Boya)
Paco Boya

Francés Xavier Boya Alòs, mès coneishut coma Paco Boya (Les, Val d'Aran, 23 de gèr de 1960) ei un politician, escrivan e musician aranés. Ei actualaments lo Sindic d'Aran. Tanben siguèc sindic de 2007 a 2011 e senator d’Espanha de 2011 a 2015.[1]

BiografiaModificar

Seguic estudis de formacion professionau. Ei tecnician de grad miejan en electricitat, siguèc cap de departament ena Administracion dera Generalitat de Catalonha pendent ueit ans.

Ei autor deth libre Aran, deth guida literari Era Val d'Aran (1995), deth recuelh de narracions cortes L'alè del bosc (1997) e dera novèla Presoèrs dera mar gelada (1999), pera quau arrecebèc eth Prèmi Les Talúries en 1998.

Collaborèc ath diari Segre e ara revista Descobrir Catalunya.

Siguèc director deth programa Era lucana, de Televisió Espanyola a Catalunya (1989-1990).

Ei membre dera associacion culturau Es Corbilhuèrs de Les, dera associacion Lengua Viua, dera Fondacion Musèu Etnologic dera Val d'Aran, dera Associacion Recreatiua de Les, e soci deth Club Aranés d'Espòrts d'Iuèrn e ei fondador e menaire deth grop de musica Bramatopin.

Recebèc era medalha Vila de Luishon (1998) e era medalha Stéphen Liégeard (1999), pera òbra Presoèrs dera mar gelada.

PoliticaModificar

Membre fondador d'Unitat d'Aran (1978), dera quau ei Secretari Generau. Afiliat ath Partit des Socialistes de Catalonha (PSC-PSOE) dempuish 1995. Siguèc regidor de Cultura der Ajuntament de Les (1989-1991), deth quau siguèc dempús alcalde adjunt (1991-2007). Siguèc elejut diputat ath Parlament de Catalonha en 1999[2] e 2003[3].

Après es eleccions deth mai de 2007, aconseguís era carga de Sindic d'Aran damb eth supòrt deth son partit UA-PSC e deth Partit Renovador d'Arties e Garòs (PRAG). As eleccions de 2011 deisha la carga de sindic a Carles Barrera.

Eth 21 de noveme de 2011 ei elejut ath Senat espanhòu[4].

En julhet de 2015 ei elejut ara Deputacion provinciau de Lhèida[5].


Precedit per
Carles Barrera
 
Sindic d'Aran
18 de junh de 2007 - 18 de junh de 2011
Seguit per
Carles Barrera


Precedit per
Carles Barrera
 
Sindic d'Aran elejut
18 de junh de 2019 - actualitat
Seguit per
en foncions

ReferénciesModificar