PPSh-41
Lo PPSh-41 es un pistolet mitralhaire sovietic intrat en servici en 1941 dins lo quadre de la Segonda Guèrra Mondiala. Concebut segon leis ensenhaments de la Guèrra d'Ivèrn còntra Finlàndia, èra una arma simpla e aisada de fabricar o d'utilizar. D'una longor de 843 mm, aviá una massa de 4,3 kg e un cargaire tambor de 50 còps permetent de tirar la municion de 7,62 × 25 mm TT[1]. Sa portada eficaça de 100 a 200 m, sa cadéncia de tirs de 900 còps/mn e l'importància de son cargaire ne'n faguèron una arma populara au sen de l'armada sovietica car permetiá de tirar rapidament un nombre important de projectils. Foguèron egalament fòrça presat dins la Wehrmarcht qu'utilizèt de PPSh-41 fins a 1945.
Après la Segonda Guèrra Mondiala, l'URSS donèt de quantitats importantas de PPSh-41 a de país aliats e lo pistolet mitralhaire foguèt fòrça utilizat durant la Guèrra de Corèa e durant lei conflictes en Indochina.
Liames intèrnes modificar
Bibliografia modificar
Nòtas e referéncias modificar
- ↑ De modèls foguèron modificats per tirar lo 7,63 × 25 mm Mauser e lo 9 mm Parabellum qu'èran utilizats per l'armada alemanda.