PL Kyodan
Eth PL Kyodan o era Glèisa de Perfècta Libertat ei ua religion internacionau que neishec dera cultura deth zenbudisme deth Japon ath començament deth sègle XX. Eth PL ensenhe qu'era "vida ei art". Es èssers umans an neishut entà exprimir era sua pròpria individualitat unica en tot çò que hèn - "en tot crear art vertadèr". Entà melhorar es lòrs vides e era superacion des dificultats es credents son ensenhadi es rasons pes qu'an aguesti problèmes e son dirigidi a solucionar-les peth patriarca (Oshieoya-sama) e pes ministres. Eth PL non a un libre sagrat (coma era Bíblia), totun, a es 21 precèptes 21 principis que revelèren es fondadors dera glèisa.
Es 21 precèptes son:
- Vida ei Art.
- Era vida der òme ei era sua pròpria expression.
- Er òme ei era manifestacion de Diu.
- I a sofriment se non s'exprimís.
- En deishar-se portar pes baticòrs se pèrd era personalitat.
- Òm existís quan eth ego non ei present.
- Tot existís en relativitat.
- Viscatz radiant coma eth solet.
- Toti es èssers umans son iguals.
- Beneficiatz eth proïsme e a se madeish.
- Confiatz tot a Diu.
- Cossent damb eth nom existís un camin.
- I a un camin entad òme e un d'aute entara hemna.
- Tot existís entara Patz Mondiau.
- Tot ei miralh.
- Tot progressa e evolucione.
- Entenatz eth punt centrau.
- Tostemp estam dauant dera bifurcacion deth ben e deth mau.
- Actuatz immediatament en percéber.
- Viscatz en un estat de perfècta union materiau - esperitau.
- Viscatz ena libertat vertadèra.