Lo metòde PERT (acronim en anglés per Program o Project Evaluation and Review Technique) o Tecnica de revision e evaluacion de programas, es un metòde convencional utilizat en gestion de projècte. Es censat èsser capable de representar e d'analisar de biais logic las tascas e lo malhum de las tascas de realizar dins un projècte. Es una aisina de gestion de la qualitat. Aquela tecnica es un modèl per l'administracion e la gestion de projèctes inventada en 1958 pel burèl dels projèctes especials de la marina dels Estats Units del Departament de Defensa dels Estats Units d'America dins l'encastre del projècte de missil balistic mobil lançat dempuèi un sosmarin. Aquel projècte èra una responsa dirècta a la crisi del Sputnik.

Exemple d'un malhum PERT

Lo diagrama PERT es una aisina de representacion grafica permetent de veire las sequéncias logicas d'activitats que cal realizar fins que s'acabe un procès productiu: un plan de trabalh, una accion, un programa, eca. Aquela aisina permet de realizar una planificacion complèta e ordenada de las accions, d'identificar las interrelacions logicas entre las diferentas activitats necessàrias e d'identificar los camins critics dins la realizacion d'un plan de trabalh.[1]

Nòtas e referéncias modificar

  1. (ca)Varius Autors (2010) Cossos Especials A i B. Barcelona:Adams

Vejatz tanben modificar

  • Bernard Roy, Conceptor en 1958 del Metòde MPM (desvolopat al sen de la Stat SEMA-METRA ) que presenta d'autres avantatges a respècte del sistèma PERT.

Articles connèxes modificar

Ligams extèrnes modificar