Pòl de l'ecliptica
En astronomia, los dos pòls de l'ecliptica son los punts d'interseccion de l'esfèra celèsta e d'un axe perpendicular al plan de l'ecliptica e passant pel centre de la Tèrra.
Actualament, le pòl nòrd de l'ecliptica se situa dins la constellacion del Drac, per (per definicion) 18 d'ascencion drecha (o 270°) e +66° 34' de declinason, prèp de la galaxia NGC 6552 e de la nebulosa planetària NGC 6543. Lo pòl sud de l'ecliptica es situat dins la constellation de la Daurada, per (per definicion) 6 d'ascension drecha e -66° 34' de declinason, prèp del Grand Nívol de Magellan.
L'axe dels pòls celèstes e l'axe dels pòls de l'ecliptica fan un angle de 23° 26′. A causa de la precession dels equinòccis, l'axe dels pòls celèstes descriu un còn a l'entorn d'aquel dels pòls de l'ecliptica amb un periòde de gaireben 25 800 ans.