Dobrir lo menú principal

Pàvel Valèrievich Dórov (en rus: Па́вел Вале́рьевич Ду́ров, en transcripcion internacionala: Pavel Durov; Leningrad, 10 d'octobre de 1984) es un informatician e entrepreneire rus. Es famós dins son país, ont es sovent comparat al creador de Facebook, l'american Mark Zuckerberg, pr'amor que fondèt una ret sociala fòrça populara dins los païses russofòns: VK (anteriorament sonat VKontakte).

Lo 21 d'abril de 2014 se vegèt fòrabandit de la direccion de la ret aprèp que refusèsse de divulgar de donadas a prepaus de l'activisme ucraïnian pro-Maidan al govèrn de Pótin. Decidiguèt alara de partir del país en declarar que "malastrosament, lo país es actualament incompatible amb las entrepresas d'Internet".