L'Oestron es una lengua inventada per J.R.R. Tolkien dins la sieuna òbra literària de la Tèrra Mejana. Plusors còps es nomentada Lenga Comuna. Pendent lo temps de la Guèrra de l'Anèl, l'Oestron èra la lenga de totes los òmes e hobbits que demoravan en de zònas que bèl temps èra apertenián a Gondor e Arnor, e tanplan los abitants de las ribas occidentalas de l'Anduin, mas pas los abitants del bòsc de Druadan, los Dudendalins, e los Rohirrim. L'Oestron, èra una lenga franca a las tèrras a l'oèst de Rhûn, èra la lengua publica dels nans, e la basa de divèrsas lengas dels orcs. A l'origina l'oestron èra una barreja d'Adûnaic e de las lengas dels pòbles de las còstas de la Tèrra Mejana. Aquesta barreja se produsiguèt pendent lo long de la Segonda Edat amb l'establiment de colonias de numenoreans a las còstes de la Tèrra Mejana. Aprés l'arribada d'Elendil, recebèt d'importantas aportacions del Sindarin, i foguèt aital que la lenga s'espandiguèt. La lengua dels hobbits es un dialècte campanhard de l'oestron. Las lengas dels òmes de Rhovanion de Rohan èran pròches de l'oestron, car totas avián coma ancessor la lenga dels Edain e lors parents.