Norodom Sihamoni
Norodom Sihamoni (Phnom Penh, Cambòtja, 14 de mai de 1953 – ) es l'actual Rei de Cambòtja dempuèi l'abdicacion de son paire Norodom Sihanuk lo 29 d'octobre de 2004.
_(crop).jpg)
Passèt una part de sa joinessa a Praga. En 1975-77 visquèt en Corèa del Nòrd e, en tornar en Cambòtja, los khmers roges lo metèron, amb tota sa familha, jos arrèst domiciliari fins a 1979, quora lo regim caiguèt.
En 1981 s'instalèt en França, ont demorèt fins als ans nonanta (foguèt professor de dansa). En 1993 foguèt nomenat ambaissador de l'UNESCO, fins en 2004 quand foguèt nomenat rei.
Aprés l’abdicacion de son paire en octobre de 2004, un comitat dins lo qual s’inclusián lo primièr ministre Hun Sen e son fraire Norodom Ranariddh (portavotz del govèrn) lo designèt successor a la corona.