Filippo Neviani, mai conegut per son nom artístic Nek (Sassuolo, 6 de genièr de 1972[1]) es un cantaire e compositor italian de musica pop. Es un dels artistas mai famoses de l'estat italian. Coneguèt un succès internacional gràcias a la cançon Laura non c'è. A enregistrat qualques cançons en anglés e a revirat e interpretat mantuna de sas cançons en espanhòl,Laura no está[2], condicion necessària per penetrar lo mercat iberic.

Biografia modificar

 
Nek, durant un concèrt a Assago, Milan

La carrièra musicala de Nek comencèt en 1986 quand formèt amb Gianluca Vaccari un duo de musica country "I Winchester", amb Gianluca Vaccai. Amassa reinterpretava las cançons mai famosas de John Denver, de Simon & Garfunkel e del grop America.

Los concèrts de totes dos musicians obtenguèron una cèrta capitada e dapasset arribèron a venir populars dins la província de Modena. Puèi, en 1989, se faguèt cantaire e bassista d'un grop de rock sonat White Lady e alara comencèt a escriure sas primièras cançons. A la debuta aquel grop èra nascut coma cover band, (en interpretar subretot de cançons del grop britanic The Police), mas se transformèt lèu en una formacion qu'aviá son repertòri personal.

Amassèron totes quatre sos estalvis per tal de poder enregistrar un disc sonat White Lady – The Demo. Pasmens l'aventura durèt pas gaire qu'en 1991 Nek se disseparèt del demai del grop per entamenar un novèl episòdi musical aqueste còp coma solista.

Discografia modificar

 
Nek en concèrt en 2005
  • Nek (1991)
  • In te (1993)
  • Calore umano (1994)[1]
  • Lei, gli amici e tutto il resto (1996)[1]
  • In due (1998)[1]
  • La vita è (2000)
  • Le cose da difendere (2002)
  • The Best of Nek - L'anno zero (2003)
  • Una parte di me (2005)
  • Nella stanza 26 (2006)[1]
  • Un'altra direzione (2009)
  • E da qui - Greatest Hits 1992-2010 (2010)
  • Filippo Neviani (2013)
  • Prima di parlare (2015)
  • Unici (2016)

Referéncias modificar

  1. 1,0 1,1 1,2 1,3 et 1,4  [1]. ISBN 9788809756250. 
  2. https://www.youtube.com/watch?v=DAIxrSvq6bo