Henry John Deutschendorf, Jr., mai conegut coma John Denver (Roswell, 31 de decembre de 1943Monterey Bay, 12 d'octobre de 1997) foguèt un cantaire, compositor e umanista american. Èra demest los artistas acostics mai populars dins las annadas 1970. Aprèp d'aver viatjat e viscut dins mantun endrech durant son enfància per encausa dels mudaments deguts a la vida militara de sa familha, Denver comencèt sa carrièra musicala dins de grops de musica folk a la fin de las annadas 1960. Son succès comercial màger se realizèt quand cantèt solet, al començament dels ans 1970. Long de sa vida, Denver enregistrèt e editèt aproximativament 300 cançons, qu'aperaquí 200 d'aquestas son estadas de sa composicion. Se produsissiá mai que mai amb una guitarra acostica e cantava son plaser dins la natura, son entosiasme per la musica, e sos problèmas relacionals. La musica de Denver apareguèt dins divèrsas varietats de classaments, coma la country e western, lo Billboard Hot 100, e la musica contemporanèa per adults. Tot aquò li permetèt d'obtenir dotze disques d'aur e quatre albums de platin gràcias a sas cançons Take Me Home, Country Roads, Annie's Song, Rocky Mountain High, e Sunshine on My Shoulders.

John Denver amb Lily Tomlin en 1954

Puèi, durant los ans 1970 e 80, Denver aguèt de ròtles dins divèrses films e sèrias de television. Denver, qu'èra un pilòt experimentat, moriguèt dins un accident d'avion que menava, en 1997 a l'edat de 53 ans.