Nazisme
Lo nazisme o nacionalsocialisme es l'ideologia politica del NSDAP, partit politic aparegut en Alemanha en 1920. Sa definicion demòra problematica. En particular, la question de saber se lo nazisme es un desvolopament del faissisme o un fenomèn unic dins l'istòria es totjorn dubèrta. Una de las singularitats evidentas del regim nazi es d'aver fondat sa doctrina d'Estat sul racisme. L'antisemitisme e l'anticomunisme del regim nazi condusisson dempuèi 1933 a la dubertura dels primièrs camps de concentracion en Alemanha, una politica qu'aumentèt al cors dels ans seguents, e en condusir subretot a la Shoah.
Istòria
modificarAquela ideologia apareis dins l'Alemanha dels ans 30, just quand a las duras condicions de patz qu'èran impausadas a Alemanha après la Primièra Guèrra Mondiala, s'apondèron los estralhs economics provocats pel Crack de 1929 e la Granda Depression. En genièr de 1933, Hitler foguèt nomenat primièr ministre d'Alemanha pel President de la Primièra Republica, Paul von Hindenburg, gràcias a la siá victòria electorala e al sosten d'autres partits politics. Quand lo President de la Republica moriguèt lo 2 d'agost de 1934, Hitler unifiquèt las cargas de Cancelièr e de President. Apareis centrat a l'entorn de la figura d'Adolf Hitler e la siá òbra Mein Kampf (en alemand, La miá lucha), que recuèlh las siás idèas centradas en l'atac del comunisme, causa que li supausèt l'ajuda d'una part de las classas nautas.
Neonazisme
modificarLo neonazisme es un movement politic d'extrèma drecha, qu'a per objectiu de reactivar los principis del nacionalsocialisme. S'inspira de la pensada dels ancians dirigents nazis alemands e agropa divèrsas organizacions faissistas que benefician de la libertat de premsa de las democracias occidentalas, qu'abominan. En fòrça païses, entre eles l'Alemanha actuala, i a de leis estrictas contra lo nacionalsocialisme, que son apologia es considerada un delicte.