Natacion sincronizada
La natacion sincronizada es un espòrt nautic, mescla de gimnastica, de dança e de natacion que se practica en piscina.
Disciplina fòrça exigenta e complèxa, demanda una fòrça granda fòrça cardio-respiratòria e una granda energia musculara. Los atletas devon èsser soples, poderoses, creatius e endurants. Aquela disciplina demanda de concentracion per seguir lo ritme musical, se desplaçar e se reperar en tres dimensions dins l'aiga. La poténcia fisica es indispensabla, e un entraïnament a l'apnèa, car las nadaires son mai sovent sota l'aiga.
Aquel espòrt subretot femenin tend a venir mixte. De federacions nacionalas, coma aquelas dels Estats Units d'America, de Canada, e de França, accepton los competitors masculins. En setembre de 2000, la Federacion internacionala de natacion (FINA) accepta los òmes, per las competicions internacionalas pel parelhs, a partir de la Copa del mond de Zuric de 2002[1]. Dempuèi los campionats del Mond de 2015, a Kazan, apareguèt una esprova novela: le duò mixte, qu'es nadat per un òme e una femna. Mas als Jòcs olimpics, solas las femnas pòdon concorrer, çò que ne fa lo sol espòrt non mixte.
Istoric
modificarLa natacion sincronizada modèrna apareguèt en 1907 amb Annette Kellerman, una campiona de natacion sincronizada Australiana que dona un espectacle dins un bacin en veire a Nòva York[2]. Des clubs e d'equipas universitàrias apareguèron dins lo trenta ans seguents, subretot en Nordamerica. La primièra competicion de natacion sincronizada e de figuras impausadas foguèt organizada al YWCA (Young Women's Christian Association) de Montreal, Canadà, en 1924[3].
Lo tèrme de « natacion sincronizada » seriá aparegut en 1934 a Chicago, la l'anóncia de la performança d'una equipa de 60 nadairas, The Modern Mermaids, entraïnadas per Katherine Curtis[4],[2].
Règlas de basa
modificar.jpg)
En natacion sincroniizada los punts priman la tecnica e lo sens artistic.
Existís de competitions solò, duò e en equipas de uèit nadairas (detz nadairas al maxim dins un ballet « combinar »). Los ballets duran entre dos e cinc minutas, segon la categoria d'edat e de l'esprova. Una marge de 15 segondas es autorizada abans o après. Los duòs an drech a una remplaçanta, una equipa pòt n'aver doas.
Las nadaires an lo drech de presentar una dança sus la plaja, mas devon pas passar las detz segondas.
Las nadairas an jamai lo drech de tocar lo fons de la piscina, quitament se realizan des portats (acrobacia).
Una competicion se debana en doas partidas:
- Las figuras impausadas
- Lo programa liure: las nadairas crean lo lor programa sus una durada impausada.
Los jurges devon notar lo trabalh tecnic per las figuras e los aspectes tecnics e artistics pels programas. Las notas tecnicas son donadas per la sincronizacion, l'execucion e la dificultat dels movements. Las notas artisticas son donadas per la coregrafia, l'interpretacion musicala e l'estil de presentacion.
Notas e referéncias
modificar- ↑ (en) FINA approving men for synchronized swimming - Canoe, 14 septembre 2000
- ↑ 2,0 et 2,1 (en) History of Synchronized Swimming - iSport.com Error de citacion : Etiqueta
<ref>no vàlida; el nom «iSport» està definit diverses vegades amb contingut diferent. - ↑ Nage synchronisée - L'Encyclopédie canadienne
- ↑ Natation synchronisée : Équipement et histoire - Site officiel du mouvement olympique