Nada Surf

Nada Surf es un grop de ròck anglofòn format en 1993 pel cantaire e guitarrista Matthew Caws ambe lo bassista Daniel Lorca a Nòva York als Estats Units.

Matthew Caws, cantaire e guitarrista del grop american Nada Surf

An agut de succès a partir de 1996 ambe lor simple Popular. Aquel títol es d'alhors lo mai conegut del grop en Occitània.

Nada Surf canta mai que mai en anglés. Pasmens, Matthew Caws e Daniel Lorca avent fach lors estudis al licèu francés de Nòva York e tanben en França e en Belgica, an enregistrat un títol en francés en 2002, una represa de L'aventurier del grop Indochine.