Muscadièr
Lo Muscadièr (Myristica fragrans Houtt.) es un arbre de la familha de las Myristicaceae produsent la notz muscada.
Es un arbre tropical originari de las illas Banda dins l'archipèla de las Molucas en Indonesia e qu'es ara cultivat a las Antilhas e Granada.
Doas espècias vesinas donan de noses mens reputadas.
Description
modificarMyristica fragrans Houtt. fa partit de las Myristicaceae que son de dicotiledonas primitivas. 72 espècias son inventoriadas dins le genre Myristica.
.JPG)
Es un arbre dioíc, de fuèlhas persistantas aromaticas e de pichonas flors jaunas en pinhas. Pòt aténher una dotzena de mètres de naut e venir centenari. Sols los individús femes pòrtan de fruchs.
L'arbre pòrta de fruchs aprèp 8 ans e pòt contunhar a ne produire pendent mai de 60 ans.
Lo fruch es una capsula ovoïda. Compren un pericarp espés e popós, qu'es localament consomit un còp confit, e una grana. La grana es enrodada d'un aril laciniat, que dona l'espècia nomenada macís. Es un tegument espés e lignificat en clòsc. La notz muscada pòt èsser comercializada en clòsc, o en albumen sens lo clòsc.
