Muhammad Ibn Saud

Muhammad Ibn Saud (1710-1765) foguèt un cap tribau dau centre de la Peninsula Aràbia que foguèt lo premier emir de Diriyah de 1744 a 1765. Es considerat coma lo fondator de l'estat saudita e de sa dinastia reiala. Foguèt remplaçat per son fiu Abdul-Aziz bin Muhammad (1765-1803).

Nasquèt dins l'oasís agricòla de Diriyah, pròche la vila actuala de Riyad, dins lo clan deis Al Muqrin. Son paire èra l'emir de l'endrech mai son poder èra contestat per lo clan rivau deis Al Watban. A sa mòrt, en 1725, sa succession foguèt ansin l'enjòc d'un conflicte que s'acabèt en 1727 amb la victòria de Muhammad Ibn Saud.

En 1744, s'alièt amb l'imam Muhammad bin Abdul-Wahhab (1703-1792) per fondar un estat novèu a l'origina de l'Arabia Saudita actuala. Muhammad Ibn Saud i foguèt en carga deis afaires politics e militars e Muhammad bin Abdul-Wahhab dei questions religiosas. Fòrça conservadors, èran favorables a la restauracion de la puretat originala de l'islam. Aquela concepcion se turtèt a l'islam popular de la populacion locala mai permetèron ai Sauditas de reünir una importanta armada formada de combatents partejant seis idèas, çò que permetèt la conquista de Riyad en 1773.

Liames intèrnesModificar

BibliografiaModificar

Nòtas e referénciasModificar