Mouloudji
Marcel Mouloudji, o mai simplament Mouloudji, nascut lo 16 de setembre de 1922 a París (França) e mòrt lo 14 de junh de 1994 a Neuilly sur Seine, es un cantaire francés, tanben autor, compositor, pintre e actor.
Es d'origina bretona per sa maire e cabila per son paire.
Comença per far un pauc de cinèma dins las annadas 1930 e 1940 (La Guerre des gosses en 1936, Les disparus de Saint-Agil en 1938, L'Enfer des anges en 1939, Les inconnus dans la maison en 1942, Boule de Suif en 1945... Puèi, comença d'aver de succès coma cantaire, de'n primièr en 1951 ambe la cançon La Complainte des infidèles.
En 1952, obten lo primièr ròtle del filme d'André Cayatte Nous sommes tous des assassins. A la meteissa epòca, sa cançon Comme un p'tit coquelicot obten de succès : es recompensada del Grand Prix du disque en 1953 e del prètz Charles Cros. Succès similar en 1954 per sa cançon Un jour tu verras. Repren tanben Le déserteur, cançon de 1954 de Boris Vian enebida a la radiò pel govèrn francés.