Mosqueta de l'imam Ali
La Moqueta de l'imam Ali es lo tresen luòc pus sacrat de l'islam chiita e un endrech de romavatge major situada dins la vila iraquina de Nadjaf. Lo sanctuari assosta lo tombèu de l'imam Ali ibn Abi-Talib, cosin de Maomet e quatren califa dins la tradicion chiista. Segon la legenda, es tanben lo luòc d'enterrament d'Adam e de Noé. Es enviroutada per lo cementeri de Wadi-us-Salaam que fa partida dei necropòlis pus grandas de la planeta ambé mai de cinc milions enterrats e una superficia d'aperaquí 6 km².
.jpg)
La bastida dau sanctuari foguèt decidida en 977 per Adud al-Dawla de la dinastia buyida mai lo premier bastiment foguèt rapidament destruch per un incendi. Sa restauracion se debanèt en 1086 a l'iniciativa dau sultan seldjokide Malik Shah Ièr (1072-1092). Enfin, de trabalhs importants d'agrandiment foguèron ordonats per Ismail Ièr (1501-1514). Pasmens, dempuei leis annadas 1990, lo sanctuari es estat endomatjat mai d'un còp per lei combats que tocan Iraq.