Ministry

Ministry es un grop musical anglofòn de metal industrial format en 1981 a Chicago als Estats Units. Lor musica es una mèscla de metal e de musica industriala, ambe d'influéncias punk.

Ministry sus l'empont en 2017

Grop new wave quitament synthpop al debut (Revenge, 1983), Ministry evolua en seguida cap a l'EBM a la fin de las annadas 1980 (Stigmata, 1988), puèi ven dins las annadas 1990 un pionièr e una quita referéncia del genre metal industrial : son alavetz al som de lor popularitat ambe lor album Psalm 69: The Way to Succeed and the Way to Suck Eggs (1992), que conten per exemple los tròcis Jesus Built My Hotrod e N.W.O. (New World Order).

Lo sòci fondator de Ministry es Al Jourgensen. Còsta el, los musicians an fòrça cambiat, mai d'un trentenat de musicians diferents foguèron a un moment o un autre sòcis de Ministry.