Millenni IV abC

Preïstòria (cronologia) | millenni IV abC | Millenni III abC | ../..

Istòria

Difusion de l'agricultura, de la metallurgia e de l'escritura de 8000 a 1000 avC.

v. 4200-3750 : en Mesopotamia, fin dau periòde d'Obeïd (dich Obeïd IV e V). Es marcat per l'aparicion de temples primitius e per una concentracion pus importanta de la populacion dei vilas aguent lo mestritge de l'aigatge. Per exemple, Eridu agantèt probablament una populacion de 4 000 abitants demorant sus una superficia de 10 ectaras.
v. 3700-2900 : en Mesopotamia, periòde d'Uruk. Veguèt una complexicacion deis estructuras socialas eissidas dau periòde d'Obeïd que se difusèron dins lei regions vesinas (Siria, Anatolia Orientala, Iran Occidentau). Gràcias a un melhorament dei tecnicas d'aigatge, lei vilas venguèron de centres urbans dotats d'institucions politicas, economicas e religiosas. Pauc a pauc, aquò entraïnèt l'aparicion dei premierei societats estatalas permetent d'enquadrar de populacions importantas.

Sciéncias e tecnicas

v. 3300 : data estimada d'espasas descubèrtas dins lei roïnas de la vila anatoliana de Milid. A l'ora d'ara, son lei modèls pus ancians clarament identificats. Principalament fachas de coire, an una lama corta (mens de 60 cm) car aqueu metau es tròp maleable per permetre d'armas lòngas.
v. 3200 : mencion de l'existéncia dau fromatge dins un tèxte sumerian.

Liames intèrnes

• Periòde d'Obeïd.
• Periòde d'Uruk.