Michel Teló

Michel Teló, nascut lo 21 de genièr de 1981 a Medianeira al Brasil, es un cantaire de lenga portuguesa d'origina italiana per sos parents. Sòci del grop Grupo Tradição, plan popular al Brasil, sa carrièra pren una amplor internacionala fin 2011 gràcias al títol Ai, Se eu te pego (Ai, se ieu t'atrapi), quitament classat n°1 en França al mes de genièr de 2012.

Lo cantaire brasilenc Michel Teló en 2011

Michel Teló es de còps confondut ambe Gusttavo Lima, un autre cantaire brasilenc de lenga portuguesa al som de sa popularitat al meteis moment qu'el (tube Balada debut de 2012).

En 2012, en seguida de son succès internacional ambe Ai, Se eu te pego, repren un aire tradicional brasilenc, Bara Bará Bere Berê. Sa version se classa en Espanha, en Àustria e en Alemanha, pasmens, d'autras versions d'aquesta cançon son classadas al meteis moment, en particular la d'Alex Ferrari dins los païses francofòns (França, Soïssa, Belgica), mentre que la version per Leo Rodríguez se classa ela al Brasil, en Romania e en Flandra belga.