Matematicas discrètas
Lei matematicas discrètas[1] son la branca dei matematicas qu'estúdia leis estructuras discrètas, per oposicion ais estructuras continuas. D'efiech, la natura dei valors discrètas a de consequéncias importantas sus l'estudi d'aqueleis ensembles coma l'impossibilitat d'utilizar lo calcul diferenciau e leis otís tradicionaus de l'analisi. Pasmens, l'interès per aqueu domeni foguèt lòngtemps feble en causa de l'abséncia d'aplicacions vertadieras. Aquò cambièt amb l'aparicion de l'informatica car fòrça brancas dei tecnologias de l'informacion modèrnas utilizan de donadas discrètas per foncionar. Ansin, lei matematicas discrètas an conegut de transformacions importantas dins leis ans 1980, çò que permetèt d'estructurar son ensenhament.
