Martin Weinek
Martin Weinek, nascut lo 26 de julhet de 1964 a Leoben en Stiria, es un actor austriac. Es conegut per aver interpretat lo ròtle del Comissari Fritz Kunz de la Polícia Criminala dins Rex, can flic. Tanben s'interèssa al vin e a la viticultura, e produsís de vin dins una vièlha bòria en Àustria.
|
Martin Weinek
| |
|---|---|
 | |
| Martin Weinek (a drecha) amb Denise Zich e Kaspar Capparoni. | |
| N. a | |
| Nacionalitat |  Austriaca.
|
| Profession(s) | Actor |
| Filmes notables | Rex, can flic |
| Enfant(s) | 2 |
| Sit web | http://www.weinek-wein.at |
| Ficha IMDb | |
Weinek s'es format entre 1983 e 1986 alprèp del Prof. Peter P. Jost, puèi s'es consacrat al teatre a partir de 1986 dins qualques produccions vienesas. Son primièr pichon ròtle dins un filme es lo de liftièr dins lo filme Nachsaison (Sason bassa).
En 1987, a un ròtle dins l'òbra teatrala Der Lechner Edi schaut ins Paradies de Jura Soyfer jos la direccion de Georg Mittendrein, dins l'encastre del festenal Ruhrfestspiele Recklinghausen, e lo ròtle d'un fangós dins lo filme Müllomania de Dieter Berner.
Entre 1988 e 1989, es engatjat pel Jura-Soyfer-Theater a Viena e per d'autres teatres pus pichons, ont trabalha coma meteire en scèna, director artistic e productor. Puèi, en 1989, jòga dins la seria de la television austriaca, Calafati Joe. De 1990 a 1991, es director artistic del Hernalser Stadttheater a Viena.
Dempuèi 1999, tanben deu sa popularitat a la seria televisada, Rex, can flic, que n'es actor permanent.
Martin Weinek es un amator de vin e de viticultura : en efièch, dempuèi 1993, a sa pròpria produccion de vinhas al Hagensdorf, una ostalamenta en plena campanha dins la comuna d'Heiligenbrunn, qu'assegura personalament amb sa femna Eva, ela tanben actritz e dramaturga. L'espleitacion es installada dins un vièlh ostal de païsans, renovat e modernizat jos la direccion de Dòna Eva Weinek. La proprietat dels Weinek a environ tres ectaras.
Filmografia
modificar- 1989 : Calafati Joe
- 1999-2004, 2007- : Rex, can flic
- 2004 : Silentium
- 2005 : Grenzverkehr
- 2006 : Unter weißen Segeln (Episòdi Träume am Horizont)
- 2007 : Die Rosenheim-Cops (Episòdi Liebe bis zum Ende)
Ligams extèrnes
modificar- (en) Martin Weinek sus l’Internet Movie Database
- (de)Link ORF
- (de)Weinek als Weinbauer, sit de Vinicultura de Sénher Martin Weinek
