Marilís Orionaa

Marilís Orionaa (vaduda per 1959) qu'ei ua cantaira e compositora occitana màger deu Bearn.

Biografia

Lo son nom vrai qu'ei Domenja Anna-Maria Nariòu. Qu'ei la hilha de l'escrivan occitan Gilabèrt Nariòo.
Qu'estó professora de letras classicas e qu'ensenhè tanben l'occitan abans de demissionar de l'educacion nacionau tà's consacrar sancèra au son art.
Que s'inspira de las cantas tradicionaus biarnesas, de segur, mes tanben deu mòde de cantar de las cantairas grègas. Los sons tèxtes que son mei que mei sentimentaus e realistas mes que pòt parièr cantar causas hòrt engatjadas.
Qu'a sovent tribalhat dab lo poèta Rogèr de Lapassada dont a cantat quauques poèmas.
Qu'ei acompanhada peu guitarrista Olivier Kleber-Lavigne e peu percussionista Nicolas Martin-Sagarra. Que canta tanben sola e despuish chic de temps que's produseish dab Jean-Luc Mongaugier, un deus cantaires deu grop aussalés Estar, dens ua formacion mentavuda Aqueste Còp.

Discografia

• Balansun (1992)

• Ça'i (1996)

• Femelís (2001)

• Pr'amor (2002)

• Damn (2006)
• Que't balharèi la man (2012)
• La destinada (2015)

Ligams extèrnes

Site oficiau