Malik Bentalha

Malik Bentalha, nascut lo 1èr de març de 1989 a Banhòus de Céser (Provença), es un umorista e actor Occitan francofòn d'origina magrebina per sos parents : son paire essent argerian e sa maire marroquina, a donc a l'encòp la nacionalitat francesa d'èsser nascut dins la part francesa d'Occitània, mas tanben la nacionalitat argeriana e la nacionalitat marroquina pr'amor de sos parents.

Malik Bentalha a passat son enfança en Occitània, mai precisament dins la ciutat de Laudun, situada còsta Banhòus de Céser, dins la partida occidentala de Provença (pasmens, dins lo Lengadòc istoric).

De 2007 a 2008, muda en França e i pren de corses de teatre a París (França), puèi en seguida monta sus scèna ambe sas pròprias scenetas dins de cafès teatres parisencs ; es alavetz remarcat en 2010 pel celèbre umorista Jamel Debbouze.

En 2016, jòga un ròtle important dins la comèdia Pattaya ambe Franck Gastambide. Lo filme a de succès, çò que lança sa carrièra d'actor. Encadena ambe doas autras comèdias en 2018 : totjorn ambe Franck Gastambide, Taxi 5, film enregistrat coma los quatre autres de la franquesa en bona partida en Occitània (a Marselha, e a l'entorn, en Provença), puèi Le Doudou ambe Kad Merad.

Realiza son primièr filme, Jack Mimoun et les Secrets de Val Verde, que sortís en salas en 2022.

Filmografia

Annadas 2010

2011 : Et soudain, tout le monde me manque de Jennifer Devoldère
2012 : Nous York d'Hervé Mimran e Géraldine Nakache
2013 : Né quelque part de Mohamed Hamidi
2013 : Eyjafjallajökull d'Alexandre Coffre
2015 : Robin des bois, la véritable histoire d'Anthony Marciano
2016 : Pattaya de Franck Gastambide
2016 : La Vache de Mohamed Hamidi
2018 : Taxi 5 de Franck Gastambide
2018 : Le Doudou de Julien Hervé
2019 : Jusqu'ici tout va bien de Mohamed Hamidi

Annadas 2020

2022 : Irréductible de Jérôme Commandeur
2022 : Jack Mimoun et les secrets de Val Verde, d'el meteis