Malínky

comuna de Moràvia, en Republica checa
Malínky
País Bandièra: Republica ChècaRepublica Chèca
Superficia 3,4 km²
Populacion 143 (2019)
Latitud 49°9′34″ N
Longitud 17°9′37″ È
Cònsol Jiří Bartošík

Malínky es una comuna morava. Es dins l’arrondiment comunal de Bučovice e la region de Moràvia del Sud, dins la Republica chèca. Es tanben del districte estatistic de Vyškov. Confronta amb Kunkovice al Nòrd, Lísky al Nòrd Èst, Chvalnov e Kožušice a l'Èst, Střílky e Lískovec al Sud Èst, Dvorek, Blišice, Koryčany e Mouchnice al Sud, Nemotice e Snovídky al Sud Oèst, Brankovice a l'Oèst, Komorov, Chvalkovice e Nemochovice al Nòrd Oèst.

La comuna es atestada en 1408. Lo primièr nom oficial de la comuna, en alemand, èra Malinek o Mallinek. Lo nom chèc foguèt longtemps escrich Malinky amb una sillaba mejana corta, que significa "pichonas fragostas" en chèc, e qu'explica l'escut (e la bandièra) cantaire.

La comuna foguèt sempre del districte de Vyškov, levat entre 1950 e 1961 qu'èra del districte de Bučovice.[1] Es dins la region de Moràvia del Sud dempuèi la creacion de las regions en 1960. Dempuèi la creacion dels arrondiments comunals, es de l'arrondiment comunal de Bučovice.

Postalament, Malínky es restacada a Nesovice (l’adreça de la comuna es Malínky 75, 68333 Nesovice).

La capela de la Santa Trinitat de Malínky depend de la parròquia catolica de Sant Miquèl de Brankovice.

La comuna aviá 137 abitants al recensament de 2016[2] e 143 lo 1èr de genièr de 2019.[3]

La crotz de Malínky

Referéncias modificar

  1. Historický lexikon obcí České republiky - 1869 - 2011 (Lexic istoric de las comunas chècas de 1869 a 2011).
  2. Profil de la comuna sul site de l'institut estatistic chèc.
  3. Počet obyvatel v obcích - k 1.1.2019 (Nombre d'abitants per comuna lo 1èr de genièr de 2019).