Luci Ier

Luci I^èr (mòrt en 254) foguèt lo 22^en evesque de Roma de 253 a sa mòrt*. Succediguèt a Cornelha (vèrs 251-253) e foguèt remplaçat per Estève I^èr (vèrs 254-257).

Retrach dau papa Luci I^èr dins la Basilica de Sant Pau Fòra lei Muralhas.

Foguèt arrestat tre son eleccion per leis autoritats romanas e exilat fins a la mòrt de l'emperaire Trebonian Gal. Luci I^èr aprofichèt l'ostilitat mens importanta de l'emperaire novèu, Valerian, per rintrar a Roma. I contunièt la politica de son predecessor partisan de la reconcialicion ambé lei crestians aguent abjurat sa fe dins lo corrent dei persecucions ordonats per Deci en 249-250. Aquò causèt de tensions ambé lei partisans de Novacian e d'un refús d'aquela politica.

Moriguèt de mòrt naturala quauquei mes après son retorn.