Lucha Occitana (en francés Lutte Occitane) foguèt un grop politic occitan, creat en 1971 de las rèstas del Comitat Occitans d'Estudis e d'Accion. Èra un grop minoritari d'intellectuals, estudiants e sindicalistas agraris, ideologicament d'esquèrra revolucionària, autonomista e socialista, basat a Tolosa, qu'aspirava a la descolonizacion totala dels occitans coma part de la lucha mondiala contra l'imperialisme, dirigissent lo blòc de las classas trabalhadoiras que contribuís a destruire l'estat capitalista francés. Èran fòrça actius e publiquèron los jornals Païs Occitan-Lucha Occitana a Tolosa e Occitània Passat e Present a Antíbol. Faguèron una analisi de la situacion occitana, opausat a l'independentisme del Partit Nacionalista Occitan, en se basant suls ponches seguents:

  • L'existéncia d'un fach occitan amb especificitat culturala e lingüistica, opausada e resistenta a l'egemonia francesa.
  • La persisténcia en Occitània de l'explotacion capitalista de tipe colonial mena a la liquidacion d'una minoritat nacionala.
  • L'estat oprimís de mai en mai las classas popularas occitanas.
  • La lucha de classas pren en Occitània una forma especifica e tradutz mai d'aspiracions que las que reclama la rèsta de l'exagòn francés.

Passèron pas los 500 militants, mas capitèron dins las mobilizacions contra las expropriacions de Larzac. En 1972 foguèron un dels partits nacionalistas signataris de la Carta de Brèst. Çaquela, en 1974 dintrèron en crisi e se fragmentèron en nombroses gropusculs.

Nòtas e referéncias modificar

  • (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Lutte Occitane ».