Lo Panier es un quartier popular de Marselha, au dessús dau Pòrt Vièlh.

Lo Panier

Son nom ven d'una anciana tavèrna fòrça famosa que donèt son nom premier a la carriera dau Panier, puei au quartier tot entier, sota lo mesme modèl que lo quartier de la Poma.

Es la darriera partida de Sant Joan, quartier istoric de la vila que foguèt quasi tot tirat a bas per leis Alemands a la fin de la Guèrra de 1939-1945. Lo Panier es celèbre per sei carrieras estrechas e pendolieras, sei plaças pichonas e sei monuments.

Se i tròba l'Ospici de la Vièlha Caritat bastit per Pèire Puget au sègle XVII, lo Fòrt Sant Joan, l'Ostau Dieu, l'Ostau de la Comuna e çò que demòra de la glèisa de Nòstra Dòna deis Acolas, arroïnada a la Revolucion Francesa.

Es aqueu quartier qu'inspirèt lo quartier virtuau dau Mistral, dins la seria televisada Plus Belle La Vie.

Maugrat sa reputacion e sa fòrta identitat pròpria, Lo Panier fa pas partida dei 111 quartiers de Marselha recensats per la Municipalitat. Aparten oficialament au quartier de la Lòtja e au Canton dei Grands Carmes.