Lo Capítol (Marselha)

Lo Capítol es un quartier dau 1^er de Marselha, plaçat entre Canebiera e l'Estacion de Sant Carles. Tèn la forma d'un quadrilatèr termejat per lo aut de Canebiera e lo començament dau baloard de la Magdalena (ara de la Liberacion) au miejorn, la carriera Bernex e la partença dau baloard Nationau au levant, lo baloard Voltaire au nòrd, e lei baloard Dugommier e Garibaldi au cochant. Costeja lei quartiers de Sant Carles au nòrd, Thiers au sud, e Belsunce a l'oest.

Toponimia

Lo nom vèn dau Cors dau Capítol, nom vièlh dau Cors Joseph-Thierry. Lo « capítol » en question èra un capítol de religiós (lo latin capitulum, « sommet, tête », dona en occitan provençau Capítol ).