Belsunce (Marselha)

Belsunce es un quartier de Marselha, que s'atròva dins lo premier arrondiment, dins l'ipercentre de la ciutat, entre la Canabiera, la Pòrta d'Ais, lo Pòrt Vièlh e lo Baloard d'Atenas.

L'intrada dau Cors

Es un quartier popular, que son centre n’es lo Cors Belsunce, ancian Grand Cors bastit sota Loís Quatorzen que deviá permetre a Marselha d'ofrir una passejada au nivèu dei grandeis avengudas que s'atròvan dins leis autrei ciutats d'importància.

Belsuncee es conoissut per lo nombre de sei boticas de vestits, mai tanben per la preséncia de la Bibliotèca Municipala de la Vocacion Regionala de Marselha, installada dins leis ancians locaus dau Teatre de l'Alcazar.

Prenguèt puei lo nom de Belsunce, en omenatge a l'Avesque de Belsunce Enri-Francés-Xavier de Belsunce de Castelmoron per lo ròtle positiu que juguèt dins l'episòdi da la Pèsta Granda de 1720.

Lo cors es cantat per Victor Gelu, dins sa cançon Leis Oumes dau Cors e, mai recentament, per Bouga, dins la cançon Belsunce Breakdown.

Lo canton de Marselha Belsunce era una circonscripcion electorala dau Conseu Generau dei Bocas dau Ròse.