Linha Imaginòt
La Linha Imaginòt es una proposicion d'una cèrta idèa de la defensa de las riquesas e de las particularitats culturalas de cadun ont que se tròbe, en particular amb Occitània, mas d'un biais pas exclusiu.
L'idèa èra defenduda per l'escrivan e pensaire occitan Fèlix Castanh, e represa per diferents artistas dont los Fabulous Trobadors, los Massilia Sound System, e Bernat Lubat[1]. Claudi Sicre ne formalizèt lo concèpte en 1990 e escriguèt a son prepaus una cançon On the Linha Imaginòt dins un album dels Fabulous Trobadors sortit en 1998.
La linha imaginària passa per Marselha o Usèste, recampa de collectius que menan una reflexion sus la descentralizacion, la defensa de las culturas, la fraternitat e la curiositat de l'autre mas tanben lo dever de solidaritat (notadament amb los Repauses de quartièr menats dins lo quartièr Naut Bernat de Tolosa). Aquestas darrièras annadas, lo movement s'es tornat trobar en partida dins las luchas altermondialistas, sens necessàriament ne partejar totes los aspèctes.
Citacion modificar
- « La linha Imaginòt, une ligne imaginaire qui tente de relier symboliquement les gens qui, chez eux s'organisent pour défendre la création, le respect des cultures, et l'échange de la solidarité, pour mener à la démocratisation absolue » (Claudi Sicre).
Nòtas e referéncias modificar
- ↑ La ligne Imaginot passe aussi par la fête de l’Huma ! dins L'Humanité del 3 de setembre de 1994