Lilith Fair
La Lilith Fair (en occitan: "Fièra de Lilit", que Lilit, dins las tradicions religiosas jusievas ancianas, èra la primièra femna d'Adam) foguèt una virada de concèrts e un festival de musica itinerant en America del Nòrd. L'espectacle foguèt creat per la cantautora canadiana Sarah McLachlan, Dan Fraser del Nettwerk Music Group, Terry McBride, e l'agent cercaire de talents de Nòva York, Marty Diamond. Se debanèt cada estiu de 1997 a 1999, e foguèt reviscolat posteriorament l'estiu de 2010. Compreniá unicament de concèrts d'artistas femininas solistas o en grop. Durant las tres primièras annadas lo festival capitèt d'amasssar mai de 10 milions de dolars per d'òbras de caritat dirigidas a las femnas dins tota l'America del Nòrd.
