Lev!

Lev! es una creacion artistica del duo d'artistas, l'argentin Gustavo Aguerre e la suedesa Ingrid Falk, facha de veire e longa de 170 mètres. L'òbra cobrís coma una paret lo tunèl dobèrt als caminaires e als ciclistas que permet de se poder desplaçar dins lo centre de la vila suedesa d'Umeå entre la Plaça de la gara ferroviària e lo Districte de Haga.

La realizacion foguèt inaugurada lo 17 de novembre de 2012 parallèlament al festival Autumn Light e a la reobertura de la Gara centrala d'Umeå.

Istòria

L'installacion de l'òbra d'art respondèt a una demanda de la comuna d'Umeå amassa amb l'Administracion suedesa dels transpòrts, abans que s'inaugurèsse la novèla reconstruccion de la gara centrala. Pasmens l'iniciativa foguèt finalament presa en carga per la societat Sara Lidman que, inspirada per the Strindberg Quotes que son expausadas dins la carrièra de la Reina d'Estocòlm, suggeriguèt a la municipalitat de crear una realizacion similara per Umeå. Lo responsable de las òbras artisticas de la vila, Lars Sahlin, contactèt alara los artistas de FA +, e aital aqueles comencèron una cooperacion amb lo burèu d'arquitèctes White qu'èran estats los conceptors de la remodelacion de la gara.

Foguèt decidit alara d'espandir la creacion artistica a l'ensems del tunèl per tal de presentar una environa mai agradiva e segura.