Leon Castanet
Leon Castanet (en francés: Léon Pierre Castanet; Alès, 22 de març de 1884 – Nimes, 19 de setembre de 1961)[1] foguèt un politician occitan, originari de las Cevenas, deputat del departament de Gard de 1928 a 1936.
_2.jpg)
Biografia modificar
Leon Castanet nasquèt a Alès en 1884 dins una familha modèsta, filh d'un paire minaire. Après l'obtencion de son brevet superior, dintrèt a l'Escòla Normala de Nimes e venguèt en seguida regent e mai director d'escòla dins divèrses vilatges de las Cevenas abans de tornar a Alès.
En 1928 foguèt designat pel partit socialista coma candidat a las eleccions legislativas dins la primièra circonscripcion d'Alès. Foguèt elegit al segond torn en fàcia del candidat comunista. Foguèt reelegit en 1932 mas perdèt en 1936 fàcia al candidat comunista.
Après la Segonda Guèrra Mondiala, en 1945 arribèt a venir cònsol de la comuna d'Aigremont. En 1949 foguèt elegit conselhièr municipal de Ledinhan e en 1957 venguèt President del Conselh General de Gard. En junh de 1961, ja que son estat de santat declinava aguèt de renonciar a son mandat cantonal e sos collègas lo nomenèron President d'Onor. Moriguèt qualques meses mai tard, lo 19 de setembre, a 77 ans.
Referéncias modificar
| Sus d'autres projècte de Wikimedia: | |
 |
Commons (Galariá) |
| |
Commons (Categoria)  Modèl:Commonscat/categories
|
- ↑ Ficha de «Léon, Pierre Castanet (1884-1961)». assemblee-nationale.fr. [Consulta: 22 de març de 2024]