Léger (flume)
(Redirigit dempuèi Leire (flume))
| Léger (Leir) | |
|---|---|
 | |
| Caracteristicas | |
| Longor | 1 012 km |
| Bacin | ? |
| Debit mejan | 850 m3⋅s-1 |
| Riu | |
| S'escampa dins | l'ocean Atlantic |
| Geografia | |
| Païses traversats | Occitània, Bretanha, França |
Léger (var. Leir) (en francés: la Loire) es un flume d'Occitània, de França e de Bretanha. Se tròba entèirament dins l'estat francés e es lo flume mai long d'aquel estat. L'apèlan la Grand Aiga al Linhon velaiés.
Lo nom occitan de Léger o Leir ven del latin Liger, Ligeris (e pus exactament del cas acusatiu Ligerem). Es ben un nom masculin en occitan coma en latin.
Sas fonts se tròban al pè del Jarbeir de Jòu , un ancian volcan atudat situat dins la comuna de Santa Aulalha en Vivarés. Lo flume s'escola cap al nòrd oèst dusca a Orleans, puèi cap a l'oèst en asagar las vilas de Tors, Angieus e Nantas. Son estuari se tròba en Bretanha, ont se geta dins l'Ocean Atlantic a Sant-Nazer.