La Religiosa

La Religiosa qu'ei un roman de Denis Diderot qui's presenta com un memòri escrivut per ua religiosa embarrada dens un convent contre son grat e victima de la violéncia produsida per la reclusion collectiu e forçat de totas las autas religiosas. Aqueth memòri qu'ei adreçat au marqués de Croismare.

En vertat, l'istòria d'aquesta òbra que comencè en 1660 com ua peguessa que Diderot e he au marquès entà desvelhar lo son interès e lo har arrecotir de Normandia (on e s'èra estremat) a París.

A partir de 1780 l'autor qu'ac adobè en ua òbra mei grana mes non ho estampat peu purmèr còp pas sonque en 1796, arron la mort de Diderot.

L'intriga qu'ei inspirada d'ua hèita vertadèra, l'istòria de Marguerite Delamarre qui, religiosa be escrivò a la justícia entà estar delivrada deu son convent on èra retienguda contre lo son grat.

Aquesta hèita que dè lo parat a Diderot de criticar lo sistèma de recluson deus convents.