La Maquina
La Maquina (La Máquina en castelhan) que ho, en Argentina durant las annadas 1940, ua famosa ataca de River Plate compausada peus jogadors Juan Carlos Muñoz, José Manuel Moreno, Adolfo Pedernera, Ángel Labruna e Félix Loustau (version franchimanda deu patronim occitan Lostau).
Lo son nom que hè referéncia a l'implacabla mecanica e la precision tecnica d'aquesta combinason de jogadors qui remportén 5 còp lo campionat argentin professionau de purmèra division de fotbòl. La soa mesa en marcha que ho lo 28 de junh de 1942 a l'escadença d'ua partida contre lo Club Atlético Platense dens lo Monumentau acabada dab un 1 - 0 e on Félix Loustau e remplacè Aristóbulo Luis Deambrossi.
En vertat los 5 jogadors non joguèn pas sonque 17 vegadas vertaderament tots amassas e pas jamei contre lo rivau Boca.
