Lo Kulturväven es un centre cultural situat dins la vila suedesa d'Umeå, còsta lo flum Ume. Sa dobertura, deguda al fach que la vila del nòrd de Suècia es venguda en 2014 una de las doas Capitalas Europèas de la Cultura amassa amb Riga, es prevista a l'auton de 2014.

Lo Kulturväven, fotografiat en març de 2014 dempuèi lo pont sonat Tegsbron

Lo projècte generèt una polemica considerabla dins la localitat suedesa per encausa del còst elevat (mai de 700 milions de coronas e las collaboracions establidas per sa construccion, las collaboracions establidas e tanben la relocalizacion de la bibliotèca municipala que se deu mudar dins aqueste nòu bastiment.

Istòria modificar

La construccion del Kulturväven s'inserís dins un projècte de desvolopament del centre d'Umeå sonat "Vila entre ponts" (en suedés: Staden mellan broarna). Impliquèt la collaboracion de la municipalitat locala amb una companhiá immobiliària del país, lo Balticgruppen, que formèron amassa una novèla companhiá: Väven i Umeå AB. Sa realizacion foguèt fisada a l'agéncia norvegiana d'arquitèctes Snøhetta e a la firma escandinava d'arquitèctes White. La bastison dels edificis comencèt en 2011 e durèt fins a 2014.