Karen Cheryl
Karen Cheryl es lo nom de scèna d'Isabelle Morizet, una cantaira francesa, mas tanben comediana, animatritz de ràdio[1] e de television en França.
Isabelle Morizet es nascuda lo 19 de julhet de 1955 còsta París en region Illa de França, a Saint Germain en Laye (França).
Cantaira plan populara en França a la fin de las annadas 1970 e a la debuta de las annadas 1980, ven en seguida comediana (sustot dins de sitcoms), puèi animatritz audiovisuala. A la debuta de sa carrièra, a la fin de las annadas 1970, cantava de preferéncia en anglés e dins un estili disco (Sing to me mama, Show me you're man enough), puèi basculèt a la pop francesa a la debuta de las annadas 1980, amb en particular Les nouveaux romantiques e Oh ! Chéri chéri..., doas adaptacions en francés de tubes italians de Ricchi e Poveri.
Cançons mai conegudas
modificar- Sing to me mama (1978)
- Show me you’re man enough (1979)
- Tchoo tchoo (1979)
- La marche des machos (1980, version françesa de Show me you're man enough)
- Si… (1980)
- Les nouveaux romantiques (1981, adaptacion en francés de Sarà perché ti amo de Ricchi e Poveri)
- Je me souviens (1982)
- Oh ! Chéri chéri... (1982, adaptacion en francés de Made in Italy de Ricchi e Poveri)
- Twister ma peine (1983)
- Pense à moi quand même (1983)